«Баланың тілін дамытуға арналған жаттығулар»
Логопедтің кеңесі:
Үлкендердің сөйлеу тілі баланың сөйлеу тілінің дамуына әсер етеді;
Баламен тамақ пісіріп жатқан кезде, үй жинап,баланы киіндіру, шешіндіру кезінде, ойын мен серуендеу сияқты іс-әрекет ету барысында әрдайым сөйлесу керек;
Өзіңіздің немесе балаңыздың және басқа біреудің әрбір іс-әрекетін, көзімен көргенін айтып түсіндіріп отырыңыз;
Балаға айтқан сөзің қысқа,нақты әрі түсінікті болуы керек;
Балаға нақты сұрақ қойыңыз және баладан өзінің жауап беруін талап етіңіз;
Бала сөйлер кезде және сұраққа жауап берер кезде асықтырмаңыз;
Неше түрлі дыстар мен шуларды балаға тыңдатыңыз. «Бұл не?» немесе «Ненің дыбысы?» деген сқрақ қойыңыз, мүмкін бұл көліктердің дыбысы, иттердің үргені, желдің шуы болар;
Балаға қысқа әңгімелер мен ертегілер айтыңыз және тыңдағанын сұрақ,сурет арқылы сізге немесе басқа адамдарға айтып беруін талап етіңіз;
Баланың сөздік қорына күніне бір сөз айтсаңыз да (ойыншық,азық- түлік,дене мүшелері) жеткілікті.
Баланың мүмкіншілігін әрдайым ескере отырыңыз;
Егер бала бір сөзді айтып үйренсе,сіз әрі қарай сөз тіркесін айтуға үйретіңіз мысалы: бала «доп» - деді ,ал сіз «қызыл доп немесе үлкен доп» -деп қосасыз;
Баламен «бала тілінде» емес «Үлкендердің» тілімен «Дұрыс» сөйлесіңіз;
Балаға «Сенің айтқаның дұрыс емес» деген сөзді айтпаңыз, ол баланың ынтасын түсіреді. Керісінше баланың қате айтқанын «ЖАНАМА» түрде түзетіңіз.
