| Мотивациялық-қозғаушылық
Ұйымдастырушы-лық-ізденістік | Шаттық шеңбері:
Амансың ба, Алтын Күн!
Амансың ба,Жер-ана! Амансың ба,достарым,
Сендерді көрсем қуанам! -Балалар,қазір жылдың қай мезгілі?
- қыс мезгілі
- Қыс мезгілінің айларын атаңдаршы?
- желтоқсан,қаңтар,ақпан
- Қазір қай ай?
- қаңтар айы.
- Бұл айда күн қандай болады? Ауа райында қандай өзгерістер болады?
- Күн суық болады, қар жауады
І- Ендеше, балалар бүгін біз орманға саяхат жасап көрейік. Орман дегенде көз алдарыңа не елестейді?
- Көп ағаштар, құстар, аңдар.
- Балалар, сендер қандай аңдарды білесіңдер?
- Аю, қасқыр, түлкі, қоян.
- Бұл аңдарды қайдан көрдіңдер?
- Дұрыс, суреттен, зообақтан,теледидардан. Себебі бұл аңдар орманда болады. Олар өз тамағын өздері тауып жейді. Енді балалар, осы орман ішін аралап көрейік. Балалар, мына ағаштың түбіндегі қандай аң, білесіңдер ме?
- Аю
- Балалар, біз аюдан қалай өтіп кетеміз?Аюға тақпақ айтып берейікші. Қане, кім аю туралы тақпақ біледі?
Ормандағы аюдың
Құлпынайы көп екен.
Теріп, теріп алайық,
Қалтамызға салайық.
Балалар осы терген құлпынайымызды аюға берейік.
- Балалар, аю жеміс-жидекпен, балмен қоректенеді, ал қыста ұйқыға жатады. Міне, біз аюдан өттік. Орман іші қандай екен, балалар?
- Дұрыс, әдемі, құстар көп, іші шу. Балалар ана бір ағаштың түбіне қарайықшы. Байқадыңдар ма, ол жерде қандай аң жүр?
- Дұрыс айтасыңдар, балалар! Ол қасқыр.Ал,қасқыр туралы не білеміз Қасқыр туралы не білеміз?
Қасқыр жортып түнімен
Күндес болып күнімен.
Қасқыр жортар сайменен,
Араз болып айменен.
- Балалар, қасқырдан жануарлардың көбісі қорқады, ол- азулы жыртқыш аң оны «орман дәрігері» деп те айтады екен. Балалар, біз біраз жүрдік. Шаршаған шығарсыңдар, кішкене сергіп алайық.
Сергіту сәті:
Аю маң-маң басады,
Түлкі бұлаң қағады,
Қасқыр ылаң салады,
Қоян үркіп қашады. -Ой,мына жердегі не нәрсе? (қардағы іздерге назар аударады)
- Балалар, мынау қандай аңның ізі?
- Түлкінің ізі.
- Балалар, біз түлкіге көрінбей өтіп кетейік.
Балалар, аяқтарының ұшымен түлкіге білдіртпей өтіп кетеді.
- Міне, біз түлкіден де өтіп кеттік. Түлкі деген балалар, қу, айлакер, мақтаншақ аң. Біз орманда біраз серуендедік. Қараңдаршы, ана бір аң біздің дыбысымыздан қашып бара жатыр. Ол қандай екен?
- Қоян.
- Дұрыс айтасыңдар. Қоян туралы кім тақпақ біледі?
Ақ, қоянмын, қоянмын
Үркек қоян, сақ қоян.
Дыбыс шықса қашамын
Белдерден бірақ асамын.
- Балалар, қоян қашқанда жеткізбейді. Орманда өз жауларынан қашу үшін түстерін өзгертіп отырады. Қоянның түсі ақ және сұр түсті болады. Ал, жаңағы біз көрген, қашып бара жатқан қоянның түсі қандай? Қане, кім сұр қоян туралы тақпақ біледі.
Ұзын құлақ, сұр қоян
Естіп қалып сыбдырды.
Ойлы қырлы жерлермен
Ытқып, ытқып жүгірді.
Ойын: «Қарағайлы ормандағы аю»
- Балалар, енді мен сендерге жұмбақ жасырайын.
Жұмбақ:
1. Ағаштан ағашқа секірген,
Кішкентай ғана шапшаң аң.....
2. Қыс бойына жатады,
Тәтті ұйқыға батады.....
3. . Сұр түсті,
Ақсиған көп тісті..... 5. Жазда қыдырады,
Қыста тынығады..... Д/О: «Не артық?»
Үй жануарларының ішінен жабайы жануарды табу.
- Қалған жануарларды бір сөзбен қалай атаймыз?
- Неге жабайы дейміз?.
- Осы аңдардың ішінде қайсысы қысқы ұйқыға кетеді? -аю Д/О: «Қай аң қайда тұрады?»
Аңдардың мекенін табады.
Сөздік ойын: «Жалғасын тап»
Ең айлакер аң... . Аң патшасы.....
Мысыққа ұқсайтын аң....
Ауыл маңын ториды....
Үстінде тікенегі бар....
- Ал енді балалар, осы аңдардың кейіпкері бар қандай ертегілерді білесіңдер?
- Дұрыс айтасыңдар, «Бауырсақ», «Маша мен аю», «Үш аю», «Қасқыр мен жеті лақ» ертегілері. Өте жақсы, балалар! |
