Ана туралы мақал-мәтелдер
4 257 рет оқылды
Анасын ренжіткендерді Алла тағала да жақтамайды.
Ақылды әйел ішінде, алтын бесікті ұл жатар.
Анаға баланың алалығы жоқ.
Мейрімі мол ананың —
Жүрегі жылы, қолы кең.
Кең пейілді атаның
Жүзі жылы, жолы кең.
Баласы атқа шапса анасы үйде тақымын қысады.
Анасын сүйгеннің баласын сүй. Ананың сүті-бал, баланың тілі – бал.
Көне киім жаңаны сақтайды,
Кәрі кемпір баланы сақтайды.
Ананың алақаны балаға айдынды қоныс.
Ажалды ана жеңеді.
Алты бала таппай, ана атанбайды
Анаңа ауыр сөз айтпа!
Атыңа ауыр жүк артпа!
Көне киім жаңаны сақтайды,
Кәрі кемпір баланы сақтайды.
Ананың сүйген жері:
Отқа күймейді,
Оқ та тимейді.
Ананың ойы ұяда,
Баланың ойы қияда.
Ақ жаулығы ананың —
Ақ көрпесі баланың.
Ағайын — алтау,
Ана — біреу.
Ана алақанының аясы —
Ақ шынардың саясы.
Анадан артық дос бар ма?
Ашудан жаман қас бар ма?
Жиырма бестен жақсы жас бар ма?
Қымыздан тәтті ас бар ма?
Ананың сүті—бал,
Баланың тілі — бал.
Ата-ананың қадірін
Балалы болғанда білерсің;
Ағайынның қадірін
Жалалы болғанда білерсің.
Ақ шашты ана:
«Жастығым — балам» дейді.
Ақылды бала:
«Ай-күнім — анам» дейді.
Ана алдында — құрмет,
Ата алдында — қызмет.
Ана жақсылығын,
Ауырсаң білерсің.
Қайын жақсылығын,
Қыдырсаң білерсің.
