2018 жылдың 19 қаңтарында Павлодар техникалық сервис колледжінде Астана қаласына-20 жыл және Павлодар облысына -80 жыл толуына байланысты іс-шара өтті. Сонымен қатар,облысымыздың 80 жылдығымен тұспа –тұс келген Бұқар Жыраудың 350 жылдығы,Мұса Шормановтың 200 жылдығы,Мәшһүр Жүсіп Көпейұлының 160 жылдығы,Естай Беркімбайұлының 150 жылдығы,Сұлтанмахмұт Торайғыровтың 125 жылдығы мерейтойларына орай әдеби шара өткізілді.
Іс-шараның мазмұны оның тақырыбы мен мақсаты бір – біріне сай өтіп,көрерменнің көңілінен шықты.
Іс - шара колледж басшысының құттықтау сөзімен ашылып, оқушылар Отанға,туған жерге,Елордамыз Астанаға арналған өлең шумақтарын арнап,әсем әнмен жалғастырды.Одан ары қарай көрермен назарына әсем қалаларымыз Астана,Павлодар туралы видеокөрсетілім ұсынылды. Облысымыздың тарихи тұлғаларының өмірі мен шығармашылығына арналған презентация көрсетіліп,Жаяу Мұсаның «Ақ сиса» әні тыңдалып,әр ақынның шығармасын оқушылар жатқа оқыды.
Соңында қорытындылай келе, Отанымыз тыныштықта, еліміз бейбітшілікте болып, көгімізде туымыз желбірей берсін дей отырып, Сламхан Манап пен Джуманов Қадыралының орындауында «Көк тудың желбірегені» әнімен аяқталды.
«Павлодар техникалық сервис колледжі» КМҚК
Жылқыбаев Б.Ж.
Кобзина М.Е.
Жаирбаева А.Қ.
