«Арайлы алтын күз» мерекесі
«Күзгі бал-2016» сайысы
Мақсаты: Оқушылардың күз мезгілінің ерекшелігі туралы, күзгі молшылық, береке туралы түсініктерін кеңейту. Күзде атқарылатын жұмыстар туралы түсінік беру. Оқушыларды адамгершілікке, әдептілікке, өз халқының салт - дәстүрін біліп жүруге тәрбиелеу. Тіл байлығын, таным белсенділігін арттыру.
1 - жүргізуші: Кеш жарық, қымбатты ұстаздар, оқушылар! Армысыздар патша көңіл көрермендер. «Арайлы алтын күз» атты күзгі бал кешіне қош келдіңіздер.
1 - жүргізуші: Қасиетті күз мезгілінің бір сөзбен айтып жеткізу мүмкін емес.
Күз дегеніміз - жазық даланың дархан дастарханы. Күз дегеніміз - байлық, молшылық, достық және татулық.
1 - жүргізуші:
Бойға жиып ата - баба салтын біз,
Мерекеде шат көңілді жарқынбыз
Берекесін, молшылығын әкелген,
Мезгілдердің төресі ғой Алтын күз - деп бүгінгі берекелі, мерекелі алтын күз құтты болсын!
Ортада 5«а», 5«б» сынып оқушыларының орындауындағы «Күзгі вальс» биін қабыл алыңыздар!
1-жүргізуші: Қош келдіңіз көрермен,
«Күзгі бал» сын - кешіне
Отырыңыз қол соғып,
Шат күлкіге бөлене.
Көбейді құт - береке,
Астық толы қоймамыз
Құтты болсын мереке,
«Алтын күзді» тойлаймыз.
Құрметті көрермендер «Күзгі бал-2016» атты байқауымызды бастауға рұқсат етіңіздер!
1-жүргізуші: Күз мейрам құтты болсын баршаға,
Күздің сәні келіп қапты ортаға.
Әділқазы алқалармен таныстырып
кетейік осы отырған баршаңа,- дей отырып, құрметті көрермендер әділ баға беретін әділ қазы алқаларымен таныстырып өтейік.
Әділ қазы алқалары: 1___________________________________________________
2_____________________________________________________________________
3_____________________________________________________________________
Бағдарламамен таныстырып өтсек:
1-кезең:Таныстыру (ханшайым және ханзада)
2-кезең:«Кім ойға жүйрік» сұрақ, жауап (ханшайым және ханзада)
3-кезең:«Өнерің өрге жүзсін» (ханшайым және ханзада өз өнер көрсетеді )
4-кезең:«Сән үлгісі және шаш үлгісі» (күздің көрінісі)
5-кезең:«Көрме» үздік сурет және икебана
6-кезең:«Берекелі дастархан»(күзгі өнімдерден)
1-жүргізуші: Ендеше, құрметті көрермендер қатысушыларымызға сәттілік тілей отырып, «Күзгі бал-2016» атты сайысымыздың бірінші бөлімі таныстыруға кезек берейік. Біздің бұл байқауға жиналып отырған мақсатымыз бүгінгі «Күзгі бал-2016» сайысының «Ханзадасы» мен «Ханшайымын» іріктеп шығару.
Сонымен алғашқы сайысымызды бастаймыз 1-кезең:«Таныстыру» сайысы!
Қол соғып қошеметтеп қарсы алыңыздар. Ортаға 1–ші жұп (2-ші жұп, 3-ші жұп, 4-ші жұп, 5-жұп, 6-ші жұп) жұптарды шақырамыз.
Сөзді әділ қазылар алқасына береміз.
1-жүргізуші:
Білім аққан сел дейді,
Бірақ оңай келмейді.
Ала білсең білім көп,
Ақыл ойға кел дейді.
Білім-ой мен арымыз,
Рухани ол нәріміз
Сайыскерлер сіздерге
Қол соғамыз бәріміз!
2-кезең:«Кім ойға жүйрік» деп аталады. (Жасырынған конвертте сұрақтар берілген сұрақтарға жауап береді). Сөз кезекті әділ қазыларға береміз.
1-жүргізуші:Қатысушылармыз келесі кезеңге дайын болғанша 5 «а» сынып оқушылары Барамисова Арайлым және Жанагизова Айзаттың орындауындағы «Жылайды жапырақ» әнін қабыл алыңыздар.
1-жүргізуші:
Он саусақтан өнер тамған шебер болу керемет,
Өлең айтып, би билеп, жасап жатсаң текемет,
Өнеріңді көрсетші құрбыларым, қанекей,
Жұптарға сөз берелік жеке-жекелеп.
3-кезең: «Өнерің өрге жүзсін» сайысын бастаймыз! Әр жұп өзінің дайындап келген өнерін ортаға салады.
Ал, әділ қазылар алқасы ханшайыммен, ханзаданың көрсеткен өнерлеріне баға беріңіздер.
1-жүргізуші:
Модельер болу оңай ма?
Қиналып жатсаң мұңайма.
Әр мамандық өзгеше,
Өз мәнінде, шырайда, - деп 4-кезең: «Сән үлгісі және шаш үлгісі» сайысы.
Бұл сайыстың шарттарымен таныстырып өтсек, сайыскерлеріміз күз байлығын көрсету мақсатында үйден түрлі күзгі киімдер дайындап келуі тиіс.
Табиғи материалдарды пайдалануына да болады. Әр жұп дайындаған киімдерін киіп мода көрсетеді.
Ал, әділ қазы алқасылары дайындап келген күзгі сән үлгісі және шаш үлгілеріне қойған бағаларын тыңдайық.
1-жүргізуші: Келесі кезеңді бастаймыз.
5-кезең: «Көрме» үздік сурет және «Икебана» байқауына көшейік.
Бұл сайысымызда қатысушыларымыздың дайындап келген қол өнерлері бағаланады.
Сөзді әділ қазы алқаларына береміз.
1-жүргізуші:
Жақсы асын сақтайтын қонақтарға,
Қашан келер, кім келер болжам бар ма?
Ақ дәмін, ақ ниетін жайып салған,
Кім жетер пейілі кең адамдарға! Ас мәзірін анасының қасында жүріп үйреніп жүретін қыздарымыздың дайындап келген салаттарына кезек береміз.
Шарты: Әр сынып өздерінің дайындаған салаттарын ұсынады.
1-жүргізуші:
Шалқып, тасып әніміз,
Жадырасын жанымыз.
Бүгінгі күз кешінде
Ән айтамыз бәріміз, - дей келе 5 «а», 5 «б» сынып оқушыларының орындауындағы «Мереке» әнін қабыл алыңыздар!
1-жүргізуші:
Жеңістер мен жеңілістен тұратын,
Өмір күрес, жеткізетін мұратын.
Жеңбедім, жеңілдім деп ренжімегін,
Қатысу да бір жеңіс, жаң болсаң сен ұғатын.
«Күзгі бал-2016» байқауын қорытындылау үшін әділ қазылар алқасына аз ғана уақыт береміз! Ендігі кезек әділ қазыларда!
1-жүргізуші:
Осылайша сайысымыз өз мәресіне жетті. «Күзгі бал - 2016» байқауының жеңімпаздары Бас жүлде:__________________________________________________ қошеметпен ортаға шақырамыз. Ең бастысы жоғарыда айтып кеткенімдей біздің бұл байқауға жиналып отырған мақсатымыз бүгінгі «Күзгі бал-2016» сайысының «Ханзадасы» мен «Ханшайымын» іріктеп шығару. Олай болса олар да анықталды.
«Күз ханзадасы»:________________________________________
«Күз ханшайымы»: ______________________________________
1-жүргізуші:
Тіршілік – арман, бәрімізге де орын бар,
Басады кейде онсыз да қиын жалын бар.
Қуаныш та бар, өкініш те бар жолдарда,
Ұстауым менің, достарым менің
Бәрінде аман болыңдар!
Осымен «Арайлы алтын күз» мерекесі атты «Күзгі бал-2016» сайысымыз
аяқталды! Көріскенше, қош - сау болыңыздар!
